Тошкент шаҳрининг Олмазор туманидаги хусусий клиникалардан бирида ишлаган 32 ёшли уролог амалиёт ўтаётган талаба қизларга нисбатан жинсий тегажоғлик қилганликда айбдор деб топилди.

Суд материалларига кўра, у қизлардан бирига жинсий алоқа қилишни таклиф қилган. Яна бир талабага эса уйланиш ниятида эканини айтиб, қолдирилган дарслари учун ижобий баҳо қўйиб беришни ваъда қилган.

Суд жараёнида эркак айбини қисман тан олиб, биринчи қизга оид айбловларни рад этган. Иккинчи қизга эса кўнгли борлигини билдирган.

Олмазор туман суди уни Маъмурий жавобгарлик тўғрисидаги кодекснинг 41-1-моддаси 1-қисми (жинсий тегажоғлик) билан айбдор деб топиб, 5 сутка маъмурий қамоқ жазосини тайинлади.