ХХР раиси Си Цзиньпин Сиан шаҳрида бўлиб ўтган саммитда Хитой ва Марказий Осиё давлатлари “рангли инқилоблар”ни қўзғатишга бўлган ташқи уринишларга қаршилик кўрсатиш, терроризм ва сепаратизмга мутлақо тоқат қилмаслик кераклиги ҳақида гапирди. Бу ҳақда Xinxua ахборот агентлиги хабар бермоқда.

Унинг фикрича, Хитой ва Марказий Осиёнинг бешта давлати Глобал хавфсизлик ташаббусини биргаликда амалга ошириши керак.

“Саммитда қатнашаётган олти мамлакат минтақа давлатларининг ички ишларига ташқи аралашувга, шунингдек, “рангли инқилоблар”ни қўзғатишга уринишларга қатъий қаршилик кўрсатиши, терроризм, сепаратизм ва экстремизмга нисбатан муросасиз муносабатда бўлиши керак”, – дейилади баёнотда.

Қайд этиш мумкин, “Хитой – Марказий Осиё саммити 18-19 май кунлари бўлиб ўтади. Унда Си Цзиньпин, шунингдек, Ўзбекистон президенти Шавкат Мирзиёев, Қозоғистон президенти Қосим-Жўмарт Тўқаев, Қирғизистон президенти Садир Жапаров, Тожикистон президенти Эмомали Раҳмон ва Туркманистон президенти Сердар Бердимуҳамедов иштирок этмоқда.

• Ўзбекистон
• Хитой
• саммит