“Ташаббусли бюджет”нинг 2024-йилги 2-мавсумида овоз йиғишга мажбурлаш ҳолатлари юзасидан келиб тушган мурожаатлар тўғрисида Иқтисодиёт ва молия вазирлиги матбуот хизмати маълумот берди.

Унга кўра, овоз бериш босқичи давомида фуқаролар томонидан бугунги кунга қадар “1282” ишонч рақамига овоз йиғишга мажбурлаш ҳолатлари бўйича жами 39 та шикоят келиб тушган.

Бунда, энг кўп мурожаат келиб тушган ҳудудлар:

Фарғона вилоятида — 7 та;
Тошкент шаҳрида — 6 та;
Наманган ва Жиззах вилоятларида — 5 тадан.

Соҳалар кесимида:

Умумтаълим мактаблари бўйича — 19 та;
Тиббиёт ташкилотлари бўйича — 16 тани ташкил этган.

Қайд этилишича, келиб тушган барча мурожаатлар кўриб чиқиш учун тегишли туман (шаҳар) Халқ депутатлари Кенгашларига юборилади ҳамда ҳолат ўз тасдиғини топса, мазкур лойиҳалар овоз бериш босқичидан четлатилади ёки ғолиблар рўйхатидан чиқарилиши мумкин.

• опен бюджет