АҚШ сценарийнавислари гильдияси томонидан уюштирилган оммавий иш ташлаш туфайли “Тахтлар ўйини” приквелини суратга олиш ишлари тўхтаб қолди. Бу ҳақда америкалик ёзувчи ва асар муаллифи Жорж Р.Р. Мартин маълум қилди.

“Сценарийнависларнинг оммавий иш ташлаши давом этмоқда. Ҳеч ким, соғлом фикрлаш имкониятига эга бўлган ҳеч бир сценарийнавис буни хоҳламаганди, аммо продюсерлар, студиялар, тармоқ ва стриминг сервислари бизга бошқа чора қолдиришмади”, – деди у.

Ёзувчининг айтишича, приквел устида ишлаётган сценарийнавислар фаолияти айни вақтда бутунлай тўхтатилган. Улар ҳозирда пикетларда иштирок этиш билан банд.

Эслатиб ўтамиз, сценарийнавислар Гильдияси вакиллари жорий йилнинг 2 май санасида оммавий иш ташлаш эълон қилишган. Бунга ижодкорларнинг “Netflix”, “Walt Disney” каби студиялар билан юқори маош бўйича келишувга эриша олмаганлари сабаб бўлган.

• Кино
• Маданият
• голливуд