27-октябрь куни Telegram мессенжерида канал муаллифлари учун ўз каналларида пул тўлаш эвазига кўриш мумкин бўлган хабарлар функцияси ишга туширилди. Кейинчалик, бу функциянинг Apple қурилмаларида ишлаши тўхтатиб қўйилган.

Телеграм мессенжери асосчиси Павел Дуров нима учун iOS қурилмаларидаги пуллик нашрлар ўчириб қўйилганлигини маълум қилди.

“Баъзи контент яратувчилар шахсий хабарларга киришни сотиш учун учинчи тўлов ботларидан фойдаланишни бошладилар. Натижада, улар тўланган пулларни 100 фоизини ўзлаштиришлари мумкин. Бу яхши эди.

Афсуски, биз Apple'дан канал муаллифларининг нашрлардан келаётган пулларни 30 фоизини Apple'га тўламасдан ўзлаштираётганидан норози эканликлари ҳақида хабар олдик. Аппле ўз экотизимини тўлиқ назорат қилар экан, бизда iOS қурилмаларида бундай пуллик нашрларни ўчириб қўйишдан бошқа йўл қолмаган эди" – дейди Дуров Телеграм каналида.

У буни "монополнинг бозордаги устунлигини суиистеъмол қилишининг яна бир мисоли"деб атади.

Шунингдек, Павел Дуров Евроиттифоқ, Ҳиндистон ва бошқа давлатларни Аппле сиёсатига қарши чора қўллашига умид қилишини таъкидлади.

“Биз Telegram'да ўз ишларини монетизация қилиш учун кучли ва ишлатиш учун қулай воситалар тақдим этиш устида ишлаяпмиз” – дея қўшимча қилади у.

• Apple
• Дуров
• Телеграм
• iOS