Машҳур қўшиқчи Тейлор Свифтнинг мухлислари Швейцариянинг Сюрих шаҳрида сейсмик фаолликка олиб келди. Бу ҳақда “SwissInfo” хабар бермоқда.

9 июль куни Летзигрунд стадионида бўлиб ўтган тадбирга 50 мингдан ортиқ одам ташриф буюрган ва уларнинг синхрон сакраши ва рақсга тушиши сейсмик тебранишларга сабаб бўлган. Ускуналар стадиондан олти километргача бўлган масофада саккизта сейсмометрни кўрсатган.

“Кўп одамлар биргаликда ритмик ҳаракат қилганда, бу энергия гармоник тебранишлар кўринишида ерга тушади – уни яқин атрофдаги сейсмометрлар аниқлаши мумкин”, деб тушунтирди мутахассислар.

Энг юқори кўрсаткичлар соат 19:00 дан кейин бўлган. Айнан ўша пайтда хонанда саҳнага чиққан ва мухлислар уни рақсга тушиш ва сакраш билан кутиб олишган.

• Teylor Svift