Ўзбекистон ташқи ишлар вазири Бахтиёр Саидов бошчилигидаги делегация расмий ташриф билан Вьетнам пойтахти Ханой шаҳрига борди. Бу ҳақда Ўзбекистон ТИВ раҳбарининг матбуот котиби Ахрор Бурханов ўзининг Telegram каналида хабар берди.

Кун тартибидан қатор ташкилотлар раҳбарлари билан музокаралар ва учрашувлар ҳамда Ўзбекистон- Вьетнам бизнес-форуми ўрин олган.

Бу мамлакатлар ўртасида 1992 йилда дипломатик алоқалар ўрнатилганидан бери Ўзбекистон ташқи ишлар вазирининг Вьетнамга илк ташрифидир.

Шунингдек, Вьетнам ТИВ маълумотига кўра, ташриф доирасида Ўзбекистон ташқи ишлар вазири мамлакат олий раҳбарияти билан учрашади, ташқи ишлар вазири Буй Тхан Сон билан музокаралар ўтказади, шунингдек, вазирлик ва идоралар раҳбарлари билан икки томонлама ҳамкорлик масалаларини муҳокама қилади.

• Бахтиёр Саидов
• Tashqi ishlar vazirligi
• Vyetnam