Тошкент шаҳар Яшнабод тумани ҳокимлиги ҳамкорлигида Содиқ Азимов кўчасини гастрономик, яъни 24/7 режимида ишловчи кўчага айлантириш бўйича лойиҳа ишлари якунига етказилди.  

Қайд этилишича, лойиҳа доирасида Содиқ Азимов кўчасида ёритиш устунларини, ўриндиқлар ва чиқинди урналарини ўрнатиш, манзарали дарахт кўчатлари ўтқазиш, суғориш тизимларини жойлаштириш, аудио мусиқа тизимини ташкил этиш, декоратив арка ва устунлар ўрнатилиши кутилмоқда.

Шунингдек, фотозоналар учун декоратив элементлар ташкил этиш, пиёдалар йўлаклари, вело-йўлаклар йўл чеккасида ҳаракатланишга ҳалал бермайдиган автотураргоҳлар ва замонавий ўриндиқлар ташкил этиш, овқатланиш учун қулай бўлган “Фоод трак"лар фаолиятини йўлга қўйиш, болалар ўйингоҳи ва 3D форматдаги катта монитор ўрнатиш каби ишлар амалга оширилиши режалаштирилган.

Ушбу кўчада жойлашган барча озиқ-овқат ҳамда савдо нуқталари хорижий валютадаги тўловларни қабул қилувчи терминаллар билан таъминланиб, банкларнинг 24/7 режимда ишловчи замонавий банкомат ва инфокиосклари ўрнатилади, дейилади хабарда.