Тошкент шаҳрининг Яшнобод туманида яшовчи фуқаро янги сотиб олган уйидан ХIХ аср охири ХХ аср бошларига тегишли қадимий китоблар топиб олган. Бу ҳақда Маданий мерос агентлиги хабар берди.

Қайд этилишича, фуқаронинг мурожаатига асосан ушбу китоблар бўйича ўрганиш ишлари олиб борилган. Текширувлар натижасида топилган ашёлар эса эски ўзбек ёзувидаги қўлёзма ва тошбосма китоблар эканлиги аниқланган.

Уларнинг ичида шеърий тўпламлар, бадиий ва илмий-оммабоп китоблар ҳам бор.

Унга топилган китоблар унинг шахсий мулки эканлигини инобатга олган ҳолда агентлик ходимлари томонидан қўлёзмаларни давлатга топшириш ёки сотиб юбориши мумкинлиги тушунтирилган.

Шунингдек, агентлик ушбу китобларни батафсил ўрганиш ишлари якунига етгач қўшимча маълумотлар тақдим этишини маълум қилган.

• Маданий мерос