Ўзбекистон Республикаси Президентининг “Зулфия номидаги Давлат мукофоти билан тақдирлаш тўғрисида”ги қарорига мувофиқ, мамлакатнинг бир гуруҳ фаол ва ташаббускор хотин-қизлари нуфузли мукофот билан тақдирланди.

Улар орасида Қашқадарё вилояти Косон туманида яшовчи иқтидорли шоира Латофат Амирова ҳам бор.

Ёш ижодкорнинг истеъдоди ва ижодий ютуқлари юксак эътироф этилиб, Президент топшириғига асосан унга Самарқанд шаҳрининг Қорасув массивидан икки хонали, барча шароитларга эга, мебеллар билан жиҳозланган уй топширилди.

Уй калитини топшириш маросимида вилоят ҳокими Адиз Бобоев иштирок этиб, ёш шоира Латофат Амировани эришган ютуқлари билан самимий қутлади. Унга оилавий хотиржамлик, мустаҳкам бахт ва келгусидаги ижодий фаолиятида улкан муваффақиятлар тилади.

• Мукофот
• Президент
• Самарқанд
• Uy-joy