Россиянинг Санкт Петербург шаҳрида патентга эга бўлган муҳожирларнинг такси хизматларида ишлаши тақиқланди. Бу ҳақидаги тегишли қарор шаҳар губернатори Александр Беглов томонидан имзоланган.

Ушбу ҳужжат 10 кундан кейин кучга киради. Тақиқ 2025 йил охиригача жорий қилинади. Қарорда иш берувчилар учун уч ойлик ўтиш даври назарда тутилган. Бу вақт ичида компанияларга такси ҳайдаш учун “патент асосида меҳнат фаолиятини амалга ошираётган чет эл фуқароларини” ишдан бўшатиш ва янги ишчиларни жалб қилиши керак.

Чеклов “Россия фуқароларини иш билан таъминлаш учун қўшимча имкониятлар яратишга имкон беради”, дейилган ҳукумат қарорида.

“2025 йил январь ойида Россиянинг 49 та минтақасида (шу жумладан, аннексия қилинган Украина ҳудудлари) мигрантларнинг ишлашига турли даражадаги чекловлар жорий этилганди. Амалда тақиқ объектлари асосан Ўзбекистон ва Тожикистондан келган ишчилар бўлган”, – деб ёзган эди “Верстка” нашри.

Бунга 2024 йил март ойида Crocus City Ҳаллъдаги терактдан кейинги муҳожирларга қарши чоралар сабаб бўлган.

• Ўзбекистонлик
• Россия
• Sankt-Peterburg
• Taksi
• муҳожир
• тақиқ