“Доналд Трамп, биринчи президентлик муддати давридагидек, дипломатик қоидаларга зид равишда хорижий етакчиларга шахсий телефон рақамини бериб, улар билан тўғридан-тўғри боғланишни таклиф қилмоқда ёки ўзи уларга қўнғироқ қилмоқда”, – деб ёзмоқда Политиcо.

Манбаларга кўра, бу етакчилар қаторида Франция президенти Эммануэл Макрон, Саудия Арабистони валиаҳд шаҳзодаси Муҳаммад бин Салмон, шунингдек, Буюк Британия ва Исроил бош вазирлари — Кир Стармер ва Бинямин Нетаняху бор.

Нашрга кўра, АҚШ президенти айниқса француз ҳамкасби билан илиқ муносабатларга эга.

“Бу ғалати ва кулгили эди — Трамп: “Эммануюэл-л-л”, деса, Макрон: “Доналд-д-д”, деб жавоб берарди. Икки давлат етакчилари шундай гаплашишарди”, — дея уларнинг мулоқотидан иқтибос келтирган нашр суҳбатдошларидан бири.

Дунё етакчилари Трамп билан яхши муносабатлар ўрнатиш мақсадида унинг ноформал мулоқот услубига мослашмоқда ва бу натижа бермоқда. Европа расмийларидан бирига кўра, бу ёндашув июнь ойида Нидерландияда бўлиб ўтган НАТО саммитида самарали бўлган. Ўшанда Трамп “буюк етакчилар” билан учрашувлардан кейин альянс ҳақидаги фикрини ўзгартирганини айтган.

• АҚШ
• Президент
• Трамп
• muloqot