“Жорий ҳафта охирида Америка қўшинлари Сурияда “Ал-Қоида” аъзоларидан бирига мўлжалланган авиаҳужум уюштирди. Террорчилар етакчиси бутун минтақа бўйлаб “Ал-Қоида” билан ҳамкорлик қилган”, – дея ёзган Трамп ўзининг Truth Social ижтимоий тармоғида.

Аммо, у йўқ қилинган террорчининг шахсини маълум қилмаган. Аввалроқ, 15 февраль куни АҚШ Қуролли кучларининг Марказий қўмондонлиги Америка ҳарбийлари Сурия шимоли-ғарбида “Ал-Қоида” билан боғлиқ бўлган “Ҳуррос ад-Дин” террорчилик ташкилотининг “юқори лавозимли молия ва логистика бўлими ходими”ни ўлдирганини маълум қилган эди.

Шунингдек, Қўшма Штатлар раҳбари мамлакат Қуролли кучлари Марказий қўмондонлиги қўмондони Генерал Майкл Кирилл ва америкалик ҳарбийларни муваффақиятли операция билан табриклаган.

• АҚШ
• Ҳарбий
• Terrorchilik
• Трамп
• хабар