Энергия ресурсларидан ноқонуний фойдаланиш ҳолатлари фош этилмоқда

Бош прокуратура ҳузуридаги Департаментнинг Жарқўрғон тумани бўлими ва ИИБ ходимлари ҳамкорлигида ўтказилган терговга қадар текширувда “С.У.” оилавий корхонаси раҳбари Х.А. “Дўстлик” МФЙ ҳудудидаги омборхонасида тижорат мақсадида умумий фойдаланишдаги электр тармоғига ўзбошимчалик билан уланиб, 350,9 млн сўмлик электрдан ноқонуний фойдаланганлиги аниқланган.

Департаментнинг Чиноз тумани бўлими ва ДХХ ходимлари ҳамкорлигида ўтказилган терговга қадар текширувда “Каналобод” МФЙ масъул шахслари сувни филтрлаш агрегатини умумий фойдаланишдаги электр тармоғига ўзбошимчалик билан улаб, 119 млн сўмлик электр энергиясидан ноқонуний фойдаланганликлари аниқланган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

• Электр энергияси
• Elektr stansiya
• Elektronika
• elektr