Маълумотларга кўра, Хитой ва АҚШ делегациялари томонидан Испаниянинг пойтахти Мадридда бўлиб ўтадиган тариф музокараларида маълумотлар хавфсизлиги билан боғлиқ сабабларга кўра узатилиши ёки ёпилиши кун тартибида бўлган ижтимоий медиа иловаси ТикТокънинг ҳолати ҳам муҳокама қилиниши билдирилди.

Ҳар икки томоннинг баёнотларида, делегациялар 14-17 сентябрь кунлари бўлиб ўтадиган музокаралар чоғида икки томонлама иқтисодий ва тижорат масалалари, шунингдек, TikTok мақоми муҳокама қилиниши билдирилди.

Хитой Савдо вазирлиги баёнотида Пекин маъмурияти бу масала бўйича ўзининг қонуний ҳуқуқ ва манфаатларини ҳимоя қилишга қатъий қарор қилгани ва бу масалани қонун ва қоидаларга мувофиқ баҳолашини таъкидлади.

Баёнотда, Хитой ҳукумати маълумотларнинг махфийлиги ва хавфсизлигига катта аҳамият бераётгани ва ҳеч бир компания ёки шахсдан чет давлат қонунларига зид равишда шахсий маълумотларни тўплаш ва узатишни талаб қилмаслиги таъкидланди.

АҚШ Конгрессининг Вакиллар палатаси 2024 йил 13 мартда бўлиб ўтган овоз беришда “Америкаликларни хорижий душманлар томонидан бошқариладиган иловалардан ҳимоя қилиш тўғрисида”ги қонунни кўпчилик овоз билан маъқуллади. АҚШ Сенати ҳам қабул қилган қонун лойиҳаси 2024 йил 24 апрелда ўша пайтдаги президент Жо Байденнинг имзоси билан кучга кирди.

ТикТокъни “миллий хавфсизликка таҳдид солиши” сабабли тақиқлашга йўл очадиган қонун, унинг бош компанияси ByteDance платформани АҚШ компаниясига топшириши шарт, акс ҳолда илова АҚШда тақиқланади.

Тақиқга қарши бўлганлар, TikTok АҚШ фуқароларининг маълумотларини йиғиб, Хитойга узатаётгани ҳақидаги даъво исботга муҳтожлигини ва иловани тақиқлаш “сўз эркинлигини чеклаш” билан тенг бўлишини айтишади.

Бошқа томондан, TikTok раҳбарияти маълумотлар хавфсизлиги бузилиши ҳақидаги даъволар ҳақиқатни акс эттирмаслигини ва улар АҚШдаги бошқа ижтимоий медиа платформалари каби тўлиқ Америка қонунларига мувофиқ ишлаётганини даъво қилмоқда.

• АҚШ
• TikTok
• Хитой