UFC президенти Дана Уайт энгил вазн тоифасида (70 кг гача) россиялик 30 ёшли Ислом Махачев (22-1) ва бразилиялик 33 ёшли Чарлз Оливейра (33-8) ўртасидаги UFC чемпиони унвони учун кечган жанг ҳақида гапирди.

«Ақл бовар қилмайди. Мен бир ҳафта олдин энг яхши жангчилар октагонда учрашишини айтгандим. Жангдан кейин Хабиб менга шундай деди:

«Мен айтдимку, у дунёдаги энг зўр». Оливейрани мағлуб этиш бир нарса, лекин Оливейрадан ўз услубида устун келиш бошқа нарса.

Ислам ақл бовар қилмайдиган кўринарди. Катта савол шундаки, у бундай босимга қандай муносабатда бўлади? Ҳозирча у яхши ҳаракат қилмоқда», – дейди Дана Уайт.

Қайд этиш мумкин, Абу-Дабида ўтган UFC 280 турнирининг асосий жангида Ислом Махачев иккинчи раундда Чарлз Оливейрани бўғиш услуби билан мағлубиятга учратди.

• Дана Уайт
• Ислам Махачев
• Оливейра
• UFC