Нидерландиянинг Вейк-ан-Зее шаҳри мезбонлик қилган шахмат бўйича анъанавий Tata Steel Chess нуфузли мусобақаси ўзбекистонлик шахматчиларнинг муваффақияти билан якунланди.

Турнирнинг кучлилар жам бўлган “Masters” гуруҳида дунёнинг етакчи 14 гроссмейстери қаторида ўзбекистонлик Нодирбек Абдусатторов ва Жавоҳир Синдаров ҳам бош соврин учун баҳс олиб борди. 

Нодирбек Абдусатторов 13 имкониятдан 9 очко жамғариб, тўртинчи уринишда Тата Стеэл Чесс 2026 чемпионлигини қўлга киритди. Жавоҳир Синдаров 8,5 очко билан соф иккинчи ўринни эгаллади. Мезбонлар вакили Ёрден ван Форест 7,5 очко тўплаган ҳолда, қўшимча кўрсаткичларга кўра совринли учинчи ўринни банд этди. Америкалик Ҳанс Ниеманн ва германиялик Винсент Кеймер 7,5 очко билан Топ-5ъга якун ясаб беришди. 

Мусобақанинг ўтган йилги чемпиони ҳиндистонлик Рамешбабу Праггнанандҳа эса 5,5 очко билан 11-поғонадан жой олди. Амалдаги жаҳон чемпиони Гукеш Доммаражу (Ҳиндистон) 13 имкониятдан 6,5 очко тўплади ва 10-ўрин билан кифояланди.

• Gollandiya
• Nodirbek Abdusattorov
• Шахмат