АҚШнинг “Интер Маями” клуби ва Аргентина терма жамоаси ҳужумчиси Лионел Месси 2026-йилги Жаҳон чемпионатида иштирок этиш борасида ҳали якуний қарорга келмаган. Унинг мундиалдаги иштироки бевосита жисмоний ҳолатига боғлиқ бўлади.

The Touchline маълумотларига кўра, 38 ёшли футболчи ўзини жисмонан тўлиқ тайёр ҳис қилмаса, турнирни ўтказиб юбориш вариантини кўриб чиқмоқда. Мессининг таъкидлашича, АҚШ чемпионати савияси етарли даражада юқори эмас, шу сабабли у жаҳоннинг энг нуфузли мусобақасида муносиб қатнашиш учун идеал спорт формасида бўлишни истамоқда.

Футболчи яқинда чап сонидан жароҳат олган эди. Ҳозирда Месси жароҳатидан сўнг аста-секин тикланмоқда ва жамоавий машғулотларга қайтган. Гарчи у МЛСнинг янги мавсумига тайёргарлик кўраётган бўлса-да, унинг яқин орада ўтказиладиган турнирларда майдонга тушишига ҳали ҳеч қандай кафолат берилмаган.

Маълумот учун, 2026-йилги Жаҳон чемпионати АҚШ, Канада ва Мексика майдонларида 11 июндан 19 июлгача ўтказилади.

• АҚШ
• Жаҳон чемпионати
• Канада
• Мексика
• Месси