Жорий йилнинг, 16 январь – 1 февраль кунлари Нидерландиянинг Вейк-ан-Зеэ шаҳрида шахмат бўйича нуфузли “Тата Steel Chess 2026” халқаро турнири бўлиб ўтди.

“Masters” гуруҳида 9 очко жамғарган Нодирбек Абдусатторов мусобақа ғолибига айланди ва ушбу турнир тарихида чемпионликни қўлга киритган илк ўзбек шахматчиси сифатида тарихга кирди.

Яна бир Ўзбекистон вакили Жавоҳир Синдаров мусобақада умуман мағлубиятга учрамаган ҳолда 8,5 очко билан иккинчи ўринни эгаллади. Учинчи поғонани эса мезбон гроссмейстер Ёрден ван Фореэст банд этди.

Бугун, 3 февраль шахматчилар Ўзбекистонга қайтиб келишди. Улар Тошкент халқаро аэропортида Спорт вазири ўринбосари Шаҳрулло Маҳмудов, ОАВ вакиллари, ота-оналар ҳамда кенг жамоатчилик томонидан тантанали кутиб олинди.

• Gollandiya
• Шахмат
• chempionat