Украина президенти Владимир Зеленский ҳозир Россия билан музокара қилиш вақти эмаслиги ҳақидаги позициясини яна бир бор тасдиқлади. У ҳар қандай ғарб етакчилари унга босим ўтказаётганини ҳам рад этди.

Еврокомиссия президенти Урсула фон дер Леен шанба куни Киевга келаси ҳафта Украинани ЕИга аъзо бўлиши ҳақидаги ҳисобот олдидан ташриф буюрди. Унинг сўзларига кўра, Европа Иттифоқи Украинанинг ёнида қанча керак бўлса, шунча бирга бўлади. Шунингдек, Украина Европа Иттифоқга аъзо бўлиш билан “ажойиб муваффақиятга эришади”.

Украина шанба куни Қримнинг Керч порт шаҳридаги Россия кемасозлик заводига ҳужум қилиб, бир кемага зарар етказди, деб хабар қилди Россия мудофаа вазирлиги. Отилган 15 та ракетанинг 13 таси ҳавода йўқ қилинган, биттаси эса кемага тегиб кетган”, – дейилади вазирлик хабарида. Украина расмийсининг айтишича, Россия ҳарбий-денгиз кучлари у ерда энг замонавий кемаларини жойлаштирган.

• Путин
• Qrim
• Россия
• Украина
• Евроиттифоқ
• Зеленский
• bomba