Украина бош штаби жорий йилнинг 24 февраль билан 24 сентябрь оралиғидаги Россия армиясининг йўқотишлари ҳақида ёзма баёнот берди.
Ушбу баёнотда, Россия армиясининг охирги 24 соат ичида 400 аскар билан бирга ҳозиргача 56 минг 700 аскарини йўқотгани иддао қилинди.
Қайд этилишича, рус армияси охирги 24 соат ичида яна 4 та жанговар самолётини йўқотган. Украина қўшинлари томонидан русларнинг ҳозиргача жами 259 та самолёт, 220 вертолёт, 2275 танк, 4832 зирҳли техника, 1368 тўп, 328 ракета мосламаси ва 171 ҳаво мудофаа тизими йўқ қилинган.
Баёнотда, шунингдек, Россия кучларига тегишли 3701 та автомобил, 15 та кема ва енгил тезликда ҳаракатланувчи қайиқ ва 966 та учувчисиз учиш аппарати зарарсизлантирилгани таъкидланган.
Маълумот учун, Россия Мудофаа вазири Сергей Шойгу 21 сентябрь куни Украинадаги урушда 5937 нафар россиялик аскар ҳалок бўлганини маълум қилган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!