Хўл мева ва резаворларни фақат куннинг биринчи ярмида истеъмол қилиш яхшироқ, деган тушунча ҳақиқатдан йироқдир. Ҳатто баъзи мева ва резаворларни тунда ейиш фойдали саналади. Агар меъёрга эътибор қилсангиз, ошқозонингиз учун оғирлик қилмаса, қуйидаги мевали газакларни кечки овқатдан кейин ҳам истеъмол қилишингиз мумкин.

Гилос
Гилос осуда уйқу, гўзаллик ва ёшлик гарови бўлган мелатонин гормонининг энг яхши ва табиий манбаларидан биридир.

Банан
Банан мушакларни бўшаштирадиган ва уйқу сифатини яхшилашга ёрдам берадиган озуқа моддаларига: магний, триптофан, витамин Б6 ва калийга бой.

Киви
Киви таркибида кайфиятни ва хатти-ҳаракатларни бошқаришда фаол иштирок этадиган ва уйқу механизмида муҳим роль ўйнайдиган серотонин мавжуд.

Фойдали маслаҳат: сизга бироз ғайриоддий туюлиши мумкин, бироқ кивини пўсти билан истеъмол қилсангиз, организмингиз уч баравар кўпроқ ўсимлик толаси ва C витаминига тўйинади.

Крижовник
Тошёрардошлар оиласига мансуб кўп йиллик бута, резавор мева турли антиоксидантларга бойдир. У оксидловчи стресс (тана ҳужайраларининг эркин радикаллар томонидан зарарланиши) ва яллиғланиш билан курашишга ёрдам беради. Шунингдек, крижовник табиий тинчлантирувчи — седатив хусусиятга эга.

Тинч ва сифатли уйқуни таъминлаш учун уйқу гигиенаси деб аталадиган қоидаларга риоя қилиш: ётишдан аввал оғир таомлар емаслик, телефонда вақт ўтказмаслик, кечқурун телевизор кўрмаслик ҳамда аниқ уйқу режимини ўрнатиш тавсия этилади.

• Мева