2025 йилда Голливуднинг Шон-шараф хиёбонида ўзининг шахсий юлдузига эга бўладиган машҳурлар рўйхати эълон қилинди. Бу ҳақда “Вариэтй” нашри хабар берди.

Таниқли шахслар кино, телевидение, театр, радио, дубляж, спорт ва бошқа йўналишлар бўйича сараланди. Голливуд актёрлари орасида қуйидаги машҳурлар рўйхатдан ўрин олди:

Жейн Фонда

Америкалик актриса, модель ва ёзувчи, “Оскар” мукофоти совриндори

Жессика Честейн

“Катта ўйин”, “Интерстеллар” фильмлари юлдузи, “Оскар” ва “Олтин Глобус” совриндори.

Колин Фаррелл

Ирландиялик кино ва телевидение актёри, “Александр”, “Телефон будкаси” фильмлари бош қаҳрамони.

Роберт Инглунд

Америкалик актёр, “Элм кўчасидаги даҳшат” ва “Санаторий” каби қўрқинчли фильмлар юлдузи.

Принс Рожерс (2016 йилда вафот этган)

Америкалик хонанда ва бастакор, “Гремми” ва “Олтин Глобус” совриндори.

Жон Карпентер

Америкалик режиссёр ва продюсер, “Хеллуин” франшизаси муаллифи.

Френ Дрешер

Комедия фильмлари актрисаси, “Энага”, “Сартарош ва махлуқ” фильмлари юлдузи.
Юлдузли плиталарни ўрнатиш маросими санаси маълум қилинмаган.

Маълумот учун: Голливуд шон-шараф хиёбони Лос-Анжелеснинг шимоли-шарқида жойлашган. Ундаги биринчи юлдуз 1958 йилнинг 15 августида актёр Престон Фостер шарафига ўрнатилган. Аммо хиёбон расман 1960 йилнинг 23 ноябрида очилган.

Мазкур хиёбонда санъат ва бошқа кўнгилочар соҳаларнинг юксалишига ўз ҳиссасини қўшган, кино ва мусиқа саноатида муваффақиятга эришган кишилар шарафига “юлдузлар” тақдим этилади.

• голливуд