ХАМАС россиялик асирларни озод қилади. Бу ҳақда ХАМАС олий сиёсий раҳбарияти вакили Абу Марзук маълум қилди. Унинг қўшимча қилишича, Россия фуқароларини қайтариш Исроил билан тузилган келишувдан ташқари амалга оширилади: “Бугун биз президент Путиннинг сиёсий позицияси учун миннатдорчилик белгиси сифатида Россия фуқаролиги билан гаровга олинганларни озод қиламиз”, деган у ўз нутқида.

Ташқи ишлар вазирлиги Россия ва ХАМАС ўртасидаги алоқаларнинг мақсади икки фуқароликка (Исроил ва Россия) эга бўлган асирларнинг ҳаётини сақлаб қолиш эканлигини айтиб ўтган.

Мавжуд маълумотларга қараганда Россия ХАМАСдан озод этилишини сўраган гаровдагилар сони тахминан 8-10 кишини ташкил қилади.
Исроил ҳужумлари бошланганидан бери Ғазо секторида ҳалок бўлганлар сони 16 минг кишидан ошди, 35 мингдан ортиқ киши жароҳат олган. Россия элчихонасининг хабар беришича, можаро авж олган пайтда 20 нафар россиялик ҳалок бўлган, икки нафари гаровга олинган, етти нафари бедарак йўқолганлар рўйхатига киритилган. Турли манбаларга кўра, 150 га яқин исроиллик ХАМАС томонидан асирда бўлиши мумкин. Ҳаракатнинг ўзи Ғазо секторида 200-250 га яқин маҳбус борлигини маълум қилган.

• Фаластин
• Isroil
• Қурбон
• Россия