ХАМАСнинг ҳарбий қаноти ҳисобланган “Ал-Қассам” бригадалари яна тўрт нафар исроиллик маҳбусларни озод қилди.

“Ал-Қассам” бригадалари 25 январь, шанба куни қуйидаги аёл ҳарбий хизматчиларни: Карина Ариев, Даниэл Гилбоа, Наама Леви ва Лири Элбагни озод қилди”, – дейилади ташкилот баёнотида.

Оммавий ахборот воситаларининг ёзишича, Исроил бунинг эвазига 200 фаластинлик асирларни, жумладан, 121 нафар умрбодга қамалган маҳбусларни озод қилиши кутилмоқда.

Бу сулҳ бўйича ўзаро иккинчи алмашинувдир. Биринчи алмашинувда ХАМАС уч нафар исроиллик аёлни озод қилган эди. Исроил эса бунга жавобан 90 нафар фаластинлик маҳбусни қамоқдан озод қилган.

Маълумот учун, 19 январь куни Исроил ва ХАМАС Қатар, Миср ва АҚШ воситачилигида ўт очишни тўхтатиш бўйича сулҳга эришган эди.

• Фаластин
• Isroil
• Маҳкум
• ozodlik