Хабарингиз бор, ХАМАС ўз етакчиси Яҳё Синвар Исроил томонидан ўлдирилганини тасдиқлади. Times of Israel нашрининг ёзишича, ХАМАС сиёсий бюроси етакчиси ўринбосари Халил ал-Ҳайё ўз видеомурожаатида Исроил Синварни ўлдирганидан “пушаймон бўлишини” ва унинг “шаҳид бўлиши” гуруҳни янада кучайтиришини айтган.

Унинг қўшимча қилишича, ХАМАС таслим бўлиш ва исроиллик гаровга олинганларни аввалдан айтилган барча шартлар бажарилмагунча озодликка қайтариш ниятида эмас.

Шу билан бирга, Axios порталига кўра, Исроил разведкаси Синварнинг ўлдирилиши ҳақидаги хабар маълум бўлгач, қолган жангари қўмондонлар ғалаёнда эканига ишончи комил.

Нашрнинг Исроил расмийларидаги манбасига кўра, Синварнинг ўлдирилиши ХАМАС билан битим тузиш учун “имкониятлар ойнаси”ни очади.

• Isroil
• Livan