Дунёдаги энг йирик радиотелескоп – FAST хитойлик астрономларга 660 дан ортиқ янги пульсарларни аниқлашда ёрдам берди, дея хабар беради “Xinhua” ахборот агентлиги.

Пульсарлар электромагнит нурланишнинг қатъий даврий импульслар чиқарадиган ва юқори тезликда айланадиган нейтрон юлдузлари бўлиб, улар массив ўлаётган юлдузларнинг портлаган ядроларидан ўта янги юлдуз портлашлари пайтида ҳосил бўлади. Юқори зичлик ва тез айланиш туфайли улар олимларга физика қонунларини ўрганиш учун идеал шароитларни таъминлайди, деб ишонилади.

“FAST радиотелескопи ёрдамида тадқиқот ва кузатиш ускуналарнинг барқарор ишлаши туфайли олтин даврга кирди. Етарли кузатув вақти ва ажойиб қабул қилиш қобилияти FASTга бошқа радио телескопларга қараганда яхшироқ ишлаш имконини берди”, – деди FAST бош муҳандиси Жианг Пенг.

FAST (Беш юз метр диафрагма сферик радио телескопи) улкан радиотелескопини қуриш ташаббуси 1994 йилда хитойлик мутахассислар томонидан илгари сурилган эди. Майдони 30 та футбол майдонига тенг (периметри 1,6 километр ва диаметри 500 метр) телескопнинг қурилиши 2011 йилнинг март ойида бошланган.

FAST 2016 йил сентябрь ойида Гуйчжоу провинсияси, Цяньнань-Буи-Миао автоном префектураси, Пингтанг округининг узоқ тоғли ҳудудида фойдаланишга топширилди. Бу ҳозиргача Хитойнинг энг қиммат астрономия лойиҳаси бўлиб, унинг қиймати 1,2 миллиард юань (180 миллион доллар). У расман 2020 йил январь ойида ишлай бошлаган ва дунёдаги энг сезгир радиотелескоп ҳисобланади.

• Astronomiya
• Quyosh
• Teleskop
• Хитой