Хитойнинг уч нафар тайконавти эртага, 5 июнь куни ХХРнинг миллий орбитал станцияси томон йўл олади. "Шэнчжоу-14" космик кемаси космонавтлар Цай Цзючже, Чен Дун ва Хитойнинг биринчи аёл тайконавти Лю Янни космосга олиб чиқади.

"Шэнчжоу-14" космик кемасининг парвози 5 июнь, маҳаллий вақт билан соат 10:44 га режалаштирилган. Кема Ички Мўғулистон ҳудудида жойлашган Цзюцюан космодромидан "Чанчжэн-2F" ракета ташувчиси ёрдамида учирилади.

Янги экипаж аъзолари 6 ой давомида орбитал станцияда бўлади. Кема командири вазифасини космонавт Чен Дун бажаради.

Чен Дун 2016 йилда "Шэнчжоу-11" космик кемасида "Тянгун-2" лабораториясида бўлиб қайтган. Лю Ян эса Хитой тарихидаги биринчи аёл тайконавт ҳисобланади. Экипажнинг учинчи аъзоси – Цай Цзючже космосга биринчи марта йўл олади.

• Коинот
• Космонавт
• Космонавтлар
• Хитой
• илм-фан
• kosmos
• тадқиқот