Хоразм вилояти Ҳазорасп туманида филиал комплаенс назорат тузилмалари, туман газ таъминоти бўлими ходимлари ва ҳуқуқ-тартибот органлари ҳамкорлигида ўтказилган назорат тадбирида қоида бузилиш ҳолати аниқланди.

Хусусан, туманнинг “Паҳлавон Маҳмуд” МФЙда жойлашган “Ҳ. Қ. И.” МЧЖга қарашли кўп қаватли уй хатловдан ўтказилганда, таъминот ташкилоти билан шартнома тузмасдан, лойиҳа-техник ҳужжатларини сохталаштириб, “зангори ёқилғи”дан ноқонуний фойдаланиб келинаётгани маълум бўлган.

Ҳолат юзасидан далолатнома тузилиб, 9 миллиард 987 миллион сўмлик зарар қайта ҳисоб-китоб қилинди. Барча ҳужжатлар ҳуқуқни муҳофаза қилувчи органларга юборилган.

• Энергетика_вазирлиги
• Газ
• Qoidabuzarlik
• Хоразм