Кўксаройда қандай келишувларга эришилди? Иқтисодий ҳамкорлик ва янги логистика йўлаклариЎзбекистон Республикаси президенти Шавкат Мирзиёев ва Албания етакчиси Байрам Бегай музокараларда товар айирбошлашни кенгайтириш, шунингдек, агросаноат мажмуи, “яшил” энергетика, геология, ахборот технологиялари ва рақамлаштириш, туризм каби муҳим соҳаларда кенг кўламли кооперация дастурини тайёрлашга алоҳида эътибор қаратган. Айниқса, Ўзбекистон маҳсулотларини Жанубий Европа ва Ўрта ер денгизи бозорларига чиқаришда Албаниянинг Дуррес портидан логистика хаби сифатида фойдаланиш имкониятлари ўрганиладиган бўлди. Иқтисодий ва инвестициявий ҳамкорликнинг ҳуқуқий асосларини кенгайтириш муҳимлиги ҳам алоҳида таъкидланди.

Ҳукуматлараро комиссия ва маданий алоқаларҲамкорликнинг иқтисодий кун тартибини фаол илгари суриш мақсадида қўшма Ҳукуматлараро комиссия ташкил этиладиган бўлди. Унинг илк йиғилиши жорий йилда Тошкент шаҳрида ўтказилади. Сиёсий мулоқотлар фаоллашгани мамнуният билан қайд этилиб, томонлар БМТ ва бошқа халқаро тузилмалар доирасида бир-бирини қўллаб-қувватлашда давом этишини билдирдилар. Маданий-гуманитар соҳада эса ўзаро Маданият кунлари, кино намойишлари, кўргазмалар ва ижодий сафарлар ташкил этишга келишиб олинди.Мамлакатга ташрифи якунланган Албания президентини Тошкент халқаро аэропортида Ўзбекистон Республикаси Олий Мажлиси Қонунчилик палатаси Спикери Нуриддин Исмоилов ва бошқа расмийлар кузатиб қўйди.