Бутун дунё бўйлаб кенг тарқалган яҳудийларнинг турли рамзлар (тилсимлар)и бор. Биз ушбу мақолада шу тилсимларнинг айримларини келиб чиқиш тарихи ва маънолари билан келтирдик.

Довуд юлдузи

Довуд юлдузи энг таниқли яҳудий рамзларидан биридир. У кўплаб яҳудий қабр тошларида учрайди ва Исроил байроғидаги марказий белгидир.

Яҳудий диний қонуни (ҳалаха)да уни шоҳ Довудни ва унинг авлоди Масиҳни ҳимоя қилади, деб қаралади. Афсонага кўра, шоҳ Довуд ҳақиқатан ҳам ўзи билан  олти қиррали юлдуз кўринишидаги қалқонни олиб юрган. Айтишларича, улар иккита учбурчакдан иборат бўлиб, бири юқорига, иккинчиси пастга қаратилган бўлиб, ўртада бирлаштирилиб, олти қиррали юлдузни ташкил қилган.

Олти қиррали юлдузнинг яҳудийлик билан идентификация қилинганлиги ҳақидаги баъзи рамзий тушунтиришлар унинг иккита ўқни, бири осмонга ва иккинчиси ерга ишора қилувчи каббалистик тушунтиришларни ўз ичига олади. Довуд юлдузи ҳам Исроилнинг ўн икки қабиласига тўғри келадиган ўн иккита алоҳида томонларга эга. Бу, шунингдек, ҳафтанинг бошқа олти кунига тўғри келадиган олти нуқта билан ўралган марказий ядро (шаббатга тўғри келади) билан Шаббат билан боғлиқлик сифатида ҳам кўриш мумкин.

Менора

Исроил давлатининг расмий тимсоли Менора яҳудийларнинг асосий гербидир. Яҳудлар бу белгига Тавротда ишора қилинган деб изоҳлашади. Олтин менора яҳудийларнинг биринчи ибодат уйи бўлган Мишканга қўйилган. Яҳудийлар Қуддусни забт этиб, у ерда қадимий маъбадни қурганларида, менорани Маъбадга кўчиришган ва у эрда доимо олов ёқилган. Ислом динининг набийси Муҳаммад (с.а.в) дунёга келган кечада ушбу мангу ёниб туриши керак бўлган олов ўчиб қолган. Бу асрлар давомида кутилмаган ҳолат эди.

1948 йилда Исроил давлати эълон қилинганида, янги мамлакат рассомлардан миллий рамз учун ғояларни тақдим этишни сўради. Максим ва Габриел Шамир миллий муҳр учун бугунги кунда миллионлаб исроилликларга таниш бўлган гербни таклиф қилишди: қадимий меноранинг замонавий кўринишини.

Хамса

Бу битта қўл тасвирининг кўплаб номлари бор: Хамса (арабча "беш" сўзидан); Яд (ибронийча қўл сўзи) англатади. Хамса Сефарад яҳудий жамоалари томонидан қабул қилинган ва бугунги кунда бутун дунё бўйлаб яҳудийлар ва бошқалар учун машҳур рамздир. Баъзи ҳамсалар бугунги кунда "ёмон кўз" дан сақланиш учун кўзларнинг расмларини ўз ичига олади. Баъзиларнинг айтишича, ҳамсалар омад келтиради ёки "ёмон кўздан" сақлайди.

• Фойдали
• Маълумотнома
• Тарих
• қизиқарли