Бугун, 12 март куни Мадриднинг “Реал” ҳамда “Атлетико” клублари Европа Чемпионлар Лигаси доирасида нимчорак финалнинг жавоб баҳсида майдонга тушади.

Жамоаларнинг “Сантяго Бернабеу”даги дастлабки ўйинда “Реал Мадрид” 2:1 ҳисобида ғалаба қозонган эди. Ўшанда “қаймоқранглилар”нинг голларига Родриго ва Браҳим Диас муаллифлик қилган бўлса, “Атлетико” сафида Хулиан Алварес битта жавоб тўпини киритган.

Жавоб учрашуви олдидан “Қироллик клуби”нинг асосий ўйинчиси Кйлиан Мбаппенинг тўпиғидан олган жароҳати туфайли майдонга тушиши сўроқ остида. Бундан ташқари, Анчелотти шогирдлари ичидан Модрич, Эндрик, Рюдигер, Чуамени ва  Камавинга сариқ карточкалари кўпайиб кетганлиги сабабли дисквалификация хавфи остида бўлиб турибди.

“Атлетико Мадрид”да эса ҳозирча асосий таркиб ўйинчилари ичида жиддий йўқотишлар йўқ.

Маълумот учун, жамоалар жами 237 та баҳсда майдонга тушган. Шундан 121 та учрашувда “Реал” ғалаба қозонган бўлса, 59 ўйинда “Атлетико”нинг қўли баланд келган ва яна 57 тўқнашувда муроса кўчаси танланган. Умумий тўплар нисбати 409–307 “Реал Мадрид” фойдасига.

Эслатиб ўтамиз, ушбу баҳс 13 мартга ўтар кечаси Тошкент вақти билан соат 01:00 да “Метрополитано” стадионида старт олади.

• Атлетико Мадрид
• Футбол
• Real
• ЕЧЛ