“Реал Мадрид” 1:2 Арсенал (Умумий ҳисоб: 1:5)

Лондонликлар Мадридда ҳам устунликни сақлаб қолишга эришди, умумий ҳисоб 5:1 ва ярим финалга амалдаги чемпионни таслим этган ҳолда “Арсенал” йўл олди.

Букаё Сака дастлаб пенальтини голга айлантира олмаганига қарамасдан, кейинчалик ажойиб гол билан ҳисобни очди.

Ушбу голга Винисиус Жуниор марказий ҳимоячи Салибанинг хатосидан фойдаланиб, жавоб қайтарди.

Габриэл Мартинелли эса сўнгги дақиқаларда қарши ҳужумда гол уриб, “Арсенал”нинг ғалабасини тўлиқ мустаҳкамлади.

Учрашувнинг боришига VAR ҳам катта таъсир ўтказди:

1. “Арсенал”га пенальти берилди;

2. “Реал Мадрид”нинг пенальтисини бекор қилди.

Ўйин 1:2 ҳисобида якун топди ва “тўпчилар” ярим финалда

“Интер” 2:2 “Бавария” (Умумий ҳисоб: 4:3)

Куннинг иккинчи баҳсида “Интер” “Сан-Сиро”да “Бавария” билан жанговар дурранг қайд этди. Якуний ҳисоб 2:2, ушбу натижа миланликларни умумий 4:3 ҳисобдаги устунлик билан ярим финалга олиб чиқди.

Баҳснинг дастлабки таймида ҳисоб очилмади. Иккинчи бўлимда эса Кейн ҳисобни очган ҳолда “Бавария”ни олдинга олиб чиқди.

“Интер” тезда тикланиб ушбу голга Лаутаро Мартинезнинг голи билан жавоб қайтарди.

Кейинги голларни мезбонлар сафида Бенжамин Павар урган бўлса, “Бавария”да Эрик Даернинг голи ҳисобни 2:2 кўринишига келтирди.

Сўнгги дақиқаларда “Интер” дарвозабони Янн Зоммернинг муҳим сейвлари билан жамоаси жонига оро кирди.

ЕЧЛ ярим финал жуфтликлари эса қуйидагича шаклланди:

ПСЖ – “Арсенал”;

“Интер” – “Барселона”.

• Арсенал
• Бавария
• Интер
• Real
• ЕЧЛ