УЕФА Чемпионлар Лигаси чорак финалидан ўрин олган дастлабки учрашувлар ўтказилди. Унда “Реал Мадрид” Лондонда “Арсенал”га қарши майдонга тушган бўлса, иккинчи ўйинда “Бавария” ўз уйида “Интер”ни қабул қилди.

“Emirates Stadium” ўтган баҳсда “тўпчилар” Анчелотти жамоаси ва амалдаги мусобақа чемпионлари устидан йирик 3:0 ҳисобида ғалаба қозонди. Учрашувнинг 58-дақиқасида жарима зарбасини меъёрига етказиб ижро этган Деклан Райс ҳисобни очди. Орадан 12 дақиқа вақт ўтиб, яна Райс яна жаримадан гол уриб дубль қайд этди. Микел Меринонинг голи эса учрашувда сўнггиси бўлди ва “Реал” жавоб ўйини олдидан ўз имкониятларини анча тушириб юборди. Якуний ҳисoб 3:0 “Арсенал” фойдасига.

Куннинг иккинчи учрашуви Германияда “Allianz Arena”да ташкил этилди. Қизиқарли баҳсда “Бавария” Миланнинг “Интер” клубини қабул қилиб, 1:2 ҳисобида мағлубиятга учради. Ўйиндаги илк голни 38-дақиқада Лаутаро Мартинес киритди. 85-дақиқага келиб эса Томас Мюллер ҳисобни тенглаштирди. Учрашувдаги ҳал қилувчи палла 88-дақиқага тўғри келди. Фраттези ўз голи билан “Интер”нинг сафардаги ғалабасини таъминлади.

• Арсенал
• Бавария
• Чемпионлар Лигаси
• Футбол
• Интер
• Real