Буюк Британия қироличаси Елизавета II қироллик вазифаларининг бир қисмини ўғли, шаҳзода Чарльзга топшириши кутилмоқда. Букингем саройи томонидан эълон қилинган қироллик вазифалари рўйхатига бир қатор ўзгартиришлар киритилган.

Ушбу рўйхат сўнгги 10 йил ичида илк марта ўзгартирилган. Унга кўра, қиролича давлат ва халқ раҳбари бўлиб қолсада айрим вазифаларни "зарурат бўлганда" бажаради.

Бундан бир муддат аввал монархнинг давлат раҳбари сифатидаги вазифалари рўйхатига парламент сессияларини очиб бериш, бош вазирни тайинлаш, давлат ташрифларини амалга ошириш каби 13 та банд киритилган эди. Эълон қилинган янги рўйхатда эса "қиролича бир қатор дипломатик ва парламентга оид вазифалар"ни бажариши, шунингдек "Қиролликнинг хорижий меҳмонларни қабул қилиши" айтилади.

Маълум бўлишича, Елизавета II миллат етакчиси сифатида ўз вазифаларини "зарурат пайдо бўлгандагина" бажаради.

Бу йили парламентнинг очилишида 96 ёшли қиролича ўрнига 73 ёшли шаҳзода Чарльз иштирок этган эди. Елизавета II қироллик вазифаларининг бир қисмини ўғлига топшириши кутилмоқда.

• Буюк Британия
• Qirolicha
• машҳурлар