Трамп маъмурияти 2026 йил 1 январдан АҚШга кириш учун бизнес ёки сайёҳлик (B1/B2) визасини олишда паспорт эгалари 15 минг долларгача гаров пули қўйиши шарт бўлган мамлакатлар қаторига яна етти давлатни қўшди, дея хабар бермоқда Associated Press нашри.

АҚШ Давлат департаменти ўтган ҳафта Бутан, Ботсвана, Марказий Африка Республикаси, Гвинея, Гвинея-Бисау, Намибия ва Туркманистонни ушбу рўйхатга яширин тарзда қўшган. Давлат департаментининг расмий сайтида эълон қилинган билдиришномага кўра, бу ўзгаришлар 1 январдан кучга кирган. 5, 10 ёки 15 минг долларлик тўлов миқдори ҳар бир ариза берувчи билан суҳбатда индивидуал белгиланади.

“Ҳозирда АҚШга кириш учун бизнес ёки сайёҳлик (B1/B2) визасини олишда паспорт эгалари 15 минг долларгача гаров пули қўйиши шарт бўлган мамлакатлар рўйхатига жами 13 давлат киритилган. 2025 йил август ва октябрь ойларида Мавритания, Сан-Томе ва Принципи, Танзания, Гамбия, Малави ва Замбия каби давлатлар рўйхатга киритилганди. Уларнинг иккитаси: Туркманистон ва Бутан Осиёдан, қолганлари Африка давлатлари. Бу кўплаб одамлар учун АҚШ визасини олиш жараёнини молиявий жиҳатдан имконсиз қилади”, – дейилади Associated Press хабарида.

АҚШ расмийлари 5 мингдан 15 минг долларгача бўлган гаров пули нишонга олинган мамлакатлар фуқаролари визани суиистеъмол қилиб қолиб кетмаслигини таъминлашда самарали эканини айтиб, бу чорани ҳимоя қилмоқда. Шунингдек, АҚШ консуллик ходими кўрсатмасисиз тўлов қилган аризачилар ҳам тўланган пулни қайтариб ололмайди.

Гаров пули тўлаш визанинг берилишига кафолат бермайди, бироқ агар виза рад этилса ёки виза эгаси унинг шартларига амал қилганини исботласа, маблағ қайтарилади. Шунингдек, АҚШ консуллик ходими кўрсатмасисиз тўлов қилган аризачилар ҳам тўланган пулни қайтариб ололмайди.

• АҚШ
• Туркманистон
• Виза