Тез орада шимолий ярим шар аҳолиси юлдузли осмонда қум соатига ўхшаш булутни кўради. Олимларнинг таъкидлашича, бу 2007 йил октябрь ойида содир бўлган “17П/Холмс” кометасининг отилишидан бошқа нарса эмас.

Шуниси эътиборга лойиқки, жараён вақтида комета изи қолдиқлари, унинг газ ва чанг компоненти ҳажми бўйича Қуёшдан ўзиб кетди ҳамда бир қанча вақт давомида Қуёш тизимидаги энг катта объектга айланди. Унинг ядроси ўлчамига келсак, бу энг катта комета эмас: рўйхатда “Бернардинелли-Бернштейн” объэкти етакчилик қилади.

Дастлаб, астрономлар “17П/Холмс” отилишидан сўнг булут тарқалади, деб тахмин қилишди, аммо тадқиқотлар шуни кўрсатдики, бу вақт давомида кометанинг чанг зарралари Қуёш атрофида эллиптик орбита бўйлаб ҳаракатланган.

2022 йил июль ойида Ер сайёраси ушбу зарралар билан кесишиш нуқтасида бўлади – Шу сабаб туфайли оддий ҳаваскор ускуналар ёрдамида ҳам чақнаш изини кузатиш мумкин.

Охирги марта булут парчалари жорий йилнинг март ойида Финляндиядаги расадхонадан кузатилган бўлиб, бу сайёрамизнинг комета чиқиндилари билан навбатдаги “учрашувини” башорат қилишда катта ролб ўйнаган. Бунгача ҳам худди шундай ҳодиса 2014-2015 йилларда содир бўлган, бироқ кейинчалик қуёш нурини олдиндан айтиб бўлмайдиган тарзда акс эттирувчи булут зарралари туфайли бу воқеа содир бўлмаган.

“17П/Холмс” кометаси 1892 йилда уни кашф этган астроном Эдвин Холмс шарафига номланган. Ҳар етти йилда бу самовий жисм Ерга яқинлашади ва сўнгги 55 йилдан ортиқ вақт давомида унинг хатти-ҳаракати деярли ўзгармаган. Кометадаги портлашларнинг сабаби тўлиқ маълум эмас, аммо мутахассислар ушбу жараён космик жисм муз қопламининг агрегация ҳолати ўзгариши, шунингдек босимнинг ошиши билан боғлиқ бўлиши мумкинлигини тахмин қилмоқдалар.

• Astronomiya
• Коинот
• Kometa
• Olimlar
• Teleskop
• Yer
• kosmos