Американинг YouTube видеохостингининг собиқ бош директори Сюзан Войчиcки 57 ёшида вафот этди. Бу ҳақда Google бош директори Сундар Пичаи X ижтимоий тармоғидаги саҳифасида маълум қилди.

“Азиз дўстим Сюзан Войчиcкининг икки йиллик саратон касаллигидан сўнг вафот этганлигидан жуда қайғудаман. У Google тарихининг бир қисми бўлган ва усиз дунёни тасаввур қилиш қийин”, - деб ёзади Сундар Пичаи унинг оиласига ҳамдардлик изҳор қилиб.

Войчиcки 1998 йилда ўз гаражини компания асосчиларига офис сифатида ижарага бериб, Google компаниясини яратишда иштирок этган. 1999 йилда у Google компаниясининг биринчи маркетинг менежери бўлган. У Google’нинг YouTube’ни сотиб олиш ташаббускори бўлган. 2014-2023 йилларда у видеохостинг бош директори лавозимида ишлаган.

• Google
• YouTube