Куни кеча, 26-декабрь куни Англия Премер Лигаси қайтди. “Ливерпуль” “Астон Вилла” га қарши баҳс олиб борди ва 3-1 ҳисобида ғалаба қозонди. “Мерсисайдликлар” ҳужумчиси Дарвин Нуньес ўйинда бир нечта вазиятлардан фойдалана олмади ва ишончсиз ўйнади. Учрашувдан сўнг Юрген Клопп уругвайлик футболчи ҳақида гапирди.

“У юқори даражада ўйнайди. У бизга кўп нарсалар бера олади, ҳужумларнинг босимини оширади, уларни кучайтиради, у бўлса бизга қарши ўйнаш қийинлашади, чунки уларда нафақат Муҳаммад Салоҳни қўриқлаши керак, балким Нуньес ҳам хавф туғдиради” – дейди германиялик мутахассис.

“Қизиллар” АПЛнинг 15 турдан кейин 25 очко тўплаган ҳолда 6 ўринда бормоқда.

• АПЛ
• Клопп
• Liverpul