Япония ҳукумати аввалроқ видеоконференция орқали саммитда иштирок этиши эълон қилинган Зеленский Хиросимага келганини маълум қилди.

Ушбу ташриф Зеленскийнинг Россия ҳужумлари бошланган 2022 йилнинг февралидан кейинги Осиё минтақасига биринчи сафари бўлди.

Зеленский етакчилар билан учрашиб, G7 давлатларининг Украина билан мавжуд бирдамлигини мустаҳкамлашни мақсад қилиши мумкинлиги таъкидланди.

Япония Ташқи ишлар вазирлиги баёнотида, “саммитнинг сўнгги кунида G7 етакчилари ўртасида шахсан Зеленский иштирокида Украина бўйича сессия ўтказишга қарор қилингани” қайд этилган.

Украина раҳбари саммит доирасида Япония бош вазири Кисида Фумио билан ҳам учрашади.

Япония мезбонлик қиладиган АҚШ, Франция, Англия, Германия, Канада ва Италия раҳбарлари иштирок этадиган саммит 21 май куни якунланади.

Саммитга Европа Иттифоқи (ЕИ), Индонезия, Ҳиндистон, Жанубий Корея, Австралия, Бразилия, Вьетнам раҳбарлари ва халқаро ташкилотлар вакиллари ҳам таклиф этилган.

G7 глобал сиёсий ва иқтисодий муаммоларни ҳал қилиш учун муҳим халқаро платформалардан бири ҳисобланади.

• G7
• Япония
• Зеленский