Россия Давлат думаси раиси Вячеслав Володиннинг фикрича, Украина давлати раҳбари Володимир Зеленский Грузиянинг собиқ президенти Михаил Саакашвилининг тақдирини такрорлайди.

“Ҳукмронлигининг бошиданоқ Саакашвили режими қаттиқ русофоб эди. У Европа Иттифоқи ва НАТО томонидан қўллаб-қувватланган, молиялаштирилган, қурол-яроғ билан таъминланган ва ҳарбийларни ўқитган. Худди шу нарса кейинчалик Украинада ҳам содир бўлди. Кейинчалик Ғарбга кераксиз бўлиб чиққан Саакашвили ўз ватанида қораланади. У Украинадан депортация қилинади, фуқаролигидан маҳрум қилинади. Ҳозирда у Грузия президентлиги даврида содир этган жиноятлари учун жазони ўтамоқда ”, – деб ёзди Володин ўзининг Теlegram-каналида.

Россиялик сиёсатчининг фикрича, “тарих такрорланади, аммо ҳозир Зеленский билан”.

“Ғарб ундан ва тўймас Киев режимидан аллақачон чарчаган. Унинг ношукурлиги Европа сиёсатининг асосий мавзусига айланди. Бу Британияда ва ҳатто Полшада ҳам расмий даражада очиқ эълон қилинади. Вашингтон ва Брюссел қўғирчоқларининг тақдири доим бир хилда тугайди – улар қўғирчоқлардан халос бўлишади. Бу борада кейинги навбат Зеленскига”, - дейди Володин.

• Kiyev
• Зеленский