Олий Суд матбуот хизматининг хабарига кўра, 2023 йил 11 апрелда Президент томонидан имзоланган Қонунга мувофиқ, Маъмурий жавобгарлик ва Жиноят кодексларига оилавий зўравонлик, шаҳвоний шилқимлик ва шаънини камситиш каби ҳолатлар учун махсус моддалар киритилган.

Маълум қилинишича, 2025 йилнинг биринчи ярмида мазкур моддалар асосида қуйидаги ҳуқуқбузарликлар аниқланган.

Шаҳвоний шилқимлик (41-1-модда): 986 нафар шахс жавобгарликка тортилган бўлиб, шундан 358 нафарига жарима, 628 нафарига маъмурий қамоқ жазоси қўлланилган.

Оилавий зўравонлик (59-2-модда): 4 952 нафар шахсга нисбатан чора кўрилган, уларнинг 3 200 нафарига жарима, 1 752 нафарига маъмурий қамоқ белгиланган.

Жиноий жавобгарлик (126-1 ва 141-3-моддалар): 330 нафар шахс судланган, улардан 89 нафари озодликдан маҳрум этилганлиги билдирилди.

• Жиноят
• Олий суд
• статистика