2025-yilda Gollivudning Shon-sharaf xiyobonida o‘zining shaxsiy yulduziga ega bo‘ladigan mashhurlar ro‘yxati e’lon qilindi. Bu haqda “Variety” nashri xabar berdi.

Taniqli shaxslar kino, televideniye, teatr, radio, dublyaj, sport va boshqa yo‘nalishlar bo‘yicha saralandi. Gollivud aktyorlari orasida quyidagi mashhurlar ro‘yxatdan o‘rin oldi:

Jeyn Fonda

Amerikalik aktrisa, model va yozuvchi, “Oskar” mukofoti sovrindori

Jessika Chesteyn

“Katta o‘yin”, “Interstellar” filmlari yulduzi, “Oskar” va “Oltin Globus” sovrindori.

Kolin Farrell

Irlandiyalik kino va televideniye aktyori, “Aleksandr”, “Telefon budkasi” filmlari bosh qahramoni.

Robert Inglund

Amerikalik aktyor, “Elm ko‘chasidagi dahshat” va “Sanatoriy” kabi qo‘rqinchli filmlar yulduzi.

Prins Rojers (2016-yilda vafot etgan)

Amerikalik xonanda va bastakor, “Gremmi” va “Oltin Globus” sovrindori.

Jon Karpenter

Amerikalik rejissyor va prodyuser, “Xelluin” franshizasi muallifi.

Fren Dresher

Komediya filmlari aktrisasi, “Enaga”, “Sartarosh va maxluq” filmlari yulduzi.

Yulduzli plitalarni o‘rnatish marosimi sanasi ma’lum qilinmagan.

Ma’lumot uchun: Gollivud shon-sharaf xiyoboni Los-Anjelesning shimoli-sharqida joylashgan. Undagi birinchi yulduz 1958-yilning 15-avgustida aktyor Preston Foster sharafiga o‘rnatilgan. Ammo xiyobon rasman 1960-yilning 23-noyabrida ochilgan.

Mazkur xiyobonda sanʼat va boshqa ko‘ngilochar sohalarning yuksalishiga o‘z hissasini qo‘shgan, kino va musiqa sanoatida muvaffaqiyatga erishgan kishilar sharafiga “yulduzlar” taqdim etiladi.

• gollivud