O‘mon Sultonligi O‘zbekiston fuqarolari uchun mamlakatda 14 kun davomida vizasiz qolish tartibini joriy qildi. Bu haqda “Dunyo” axborot agentligi maʼlum qildi.

Shu bilan birga, ushbu muddatdan ko‘proq vaqt davomida mamlakatda qolish istagida bo‘lgan O‘zbekiston fuqarolari O‘mon aeroportida kirish vizasini rasmiylashtirishlari mumkin.

Qayd etilishicha, O‘zbekiston Prezidentining 2021-yil 9-fevraldagi “O‘zbekiston Respublikasida ichki va ziyorat turizmini yana-da rivojlantirish chora-tadbirlari to‘g‘risida”gi Farmoniga muvofiq, 2021-yil 1-martdan boshlab O‘mon fuqarolari uchun O‘zbekiston hududiga 10 kunlik muddatga vizasiz rejim joriy qilingan.

• O‘mon
• Viza