“Kasperskiy laboratoriyasi” 2023-yil va 2024-yilning birinchi choragi uchun MDH mamlakatlariga kibertahdidlar bo‘yicha hisobotini e’lon qildi.

Hujumlarning asosiy qismi tojikistonlik foydalanuvchilarga (60,69 foiz) qilingan. Undan keyin Belarus (59,79 foiz), Turkmaniston (59,55 foiz) va O‘zbekiston (58,74 foiz).

Mamlakatimizdan keyingi o‘rinlarda Qirg‘iziston (57,21 foiz), Qozog‘iston (54,62 foiz) va Rossiya (51,86 foiz), Ozarbayjon (49,73 foiz) va Armaniston (44,21 foiz) bormoqda.

Hisobotda, shuningdek, tez-tez kiberhujumlarga duchor bo‘ladigan faoliyat sohalari ham aniqlangan. Birinchi uchlikka moliya (28 foiz), qurilish (24 foiz) va ishlab chiqarish (14 foiz) kirdi.

Hisobot mualliflari, shuningdek, aksariyat mamlakatlarda hujumlar soni 2023-yil oxiriga kelib ko‘paygani, 2024-yil boshida esa keskin kamayganini ma’lum qilishdi.

• Hisobot
• Kiberxavfsizlik