Isroil armiyasi G‘azo sektoridagi janglarda yana ikki askar halok bo‘lgani haqida xabar berdi, deydi “Anadulu”.

G‘azo sektorining markaziy qismida zaxiradagi mayor Nadav Knoller (30 yosh) va zaxiradagi mayor Eyal Avnion (25 yosh) halok bo‘lgan. Bundan tashqari, yana ikki isroillik askari og‘ir yaralangan.

Isroil armiyasi bayonotida aytilishicha, G‘azo sektori janubidagi to‘qnashuvlar chog‘ida askarlardan biri og‘ir yaralangan.

Bu bilan Isroilning G‘azo sektoriga hujumlari boshlangan 2023-yil 7-oktyabrdan buyon halok bo‘lgan isroillik harbiy xizmatchilar soni 674 nafarga yetgan. Shundan 320 nafari isroillik harbiy xizmatchilar G‘azodagi quruqlik hujumi chog‘ida halok bo‘lgan. Bundan tashqari, 2023-yil 7-oktyabrdan beri 4021 nafar isroillik askar yaralangan.

• Falastin
• Isroil
• Qurbon
• askar