Texnika asrida koʻplab insonlarning muammosi bu – koʻrish darajasining pasayishi hisoblanadi. Uni kundalik hayotimiz davomida maʼlum tavsiyalarga amal qilgan holda yaxshilash imkoniga egamiz.
1. Koʻz mushaklarini zoʻriqtirmaslik. Kompyuter, telefondan foydalanish jarayonida har 20-30 daqiqada koʻzlaringizni yumib dam oling. Keyin sekin koʻzlaringizni ochib, maxsus koʻz mashqlarini bajaring. Yaʼni, oʻng va chap tomonlarga, tepa va pastga qarang.
2. Koʻzlaringizni tez-tez ochib yuming. Koʻzda quruqlik yuzaga kelishni boshlashi ham koʻrish darajasining keskin pasayishiga sabab boʻladi. Uni namlashning esa yagona tabiiy usuli bu koʻzlarni yumib-ochish. Shu sababdan ham uzoq vaqt bir nuqtaga koʻzni yummasdan tikilish tavsiya etilmaydi.
3. Koʻz mashqlari. Ularni muntazam bajarish maqsadga muvofiq. Sababi oddiy mashqlar yordamida koʻrish darajasini meʼyorda ushlab turish va yaxshilash imkoniyati mavjud.
4. Toʻgʻri ovqatlanish. Albatta organizmimizda yuzaga kelayotgan har bir oʻzgarish zamirida yashash tarzimiz va isteʼmol qilayotgan mahsulotimizning taʼsiri boʻladi. Aynan koʻz faoliyatiga qovoq, koʻkatlar, lavlagi, sabzi, sut va sut mahsulotlarining foydasi katta.
5. Rejali kun tartibi va sifatli uyqu. Oftalmologlar har bir tashrif buyurgan bemorga aynan shu ikki jihatga eʼtiborli boʻlishni va kuniga 8 soat uxlashni tavsiya etishadi.
6. Tabiat qoʻynida sayr qilish. Tabiatdagi yashil rang koʻrish darajasini yaxshilashga yordam beradi. Mutaxassislar tomonidan har kuni 20-30 daqiqa davomida shoshilmasdan sayrga chiqish tavsiya etiladi.
7. Zararli odatlardan voz kechish. Yuqoridagi 7 tavsiya koʻz faoliyatingiz va koʻrish darajangizning salomatligi uchun asqatadi. Doimiy ularga rioya qilish butun umr sizga yorugʻ olamni koʻrish va zavqlanish imkonini taqdim etadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!