2-oktyabr — TARIX IZLARIDA

Muhim voqealar

🔹 1187-yil — Salohiddin Ayyubiy salibchilarni taslim etib, 88 yillik xristianlar hukmronligidan so‘ng Quddus (Iyerusalim) shahrini ozod qildi.

🔹 1552-yil — Ivan Grozniy qo‘shinlari Qozon xonligi poytaxti Qozon shahrini egalladi va xonlikni butunlay Rossiyaga qo‘shib oldi.

🔹 1944-yil — Ikkinchi jahon urushining eng shafqatsiz shahar janglaridan biri bo‘lgan fashistlar istilosiga qarshi Varshava qo‘zg‘oloni bostirildi.

🔹 1980 — bokschi Larry Holmes Muhammad Ali ustidan g‘alaba qozondi.

🔹 1991-yil — Qozoq kosmonavti To‘xtar Aubakirov "Soyuz TM-13" kemasida fazoga ko‘tarilib, koinotga chiqqan ilk qozoq kosmonavtiga aylandi.

🔹 2014 — Toshkentda Inha universiteti ochildi

Shu kuni tug‘ilgan mashhurlar

🔹 Mahatma Gandi (1869) — Hindiston mustaqillik harakatining ma’naviy yetakchisi, zo‘ravonliksiz kurash (Satyagraha) ta’limoti asoschisi.

🔹 Grem Grin (1904) — mashhur ingliz yozuvchisi, dramaturg va diplomat ("Tinch amerikalik" asari muallifi).

🔹 Yuriy Levitan (1914) — afsonaviy sovet diktori, Ikkinchi jahon urushidagi eng muhim harbiy axborotlar ovozi.

🔹 Sting (1951) — afsonaviy britaniyalik musiqachi, qo‘shiqchi va ko‘p karra "Gremmi" mukofoti sovrindori.

🔹 Rufat Risqiyev (1949) — bokschi, xizmat ko‘rsatgan sportchi, 75 kg vazn toifasida jahon chempioni, Olimpiada kumush medali sovrindor

🔹 Andrey Danilko (1973) — taniqli ukrainalik komik, xonanda va prodyuser.

Xalqaro bayramlar va sanalar

🔹 Xalqaro zo‘ravonlikka qarshi kurash kuni (Mahatma Gandi tavallud kuni munosabati bilan BMT tomonidan e’lon qilingan).

🔹 Xalqaro fermer xo‘jaliklari hayvonlarini himoya qilish kuni (World Day for Farmed Animals).

🔹 Gandi Jayanti — Hindistonda milliy bayram.

🔹 Gvineya Respublikasining Mustaqillik kuni (1958-yil Fransiyadan mustaqil bo‘lgan).