Mashhurlik cho‘qqisiga chiqqan DVD disklar davrni eslaysizmi? Bunday keyin ixcham fleshka va xardlar ommalashib ketgan bo‘lsada hali ham uylarimizda DVD disklar saqlanib qolgan.

Agar biz sizga DVD disklarning zamoni qaytmoqda desak ishinasizmi? Xitoyda olimlar 15 000 DVDning imkoniyatiga ega, 200 TB ma’lumotni o‘ziga sig‘dira oladigan optik disk yaratganligini ma’lum qildi.
Tasavvur qiling: barcha musiqalaringiz, filmlaringiz, o‘yinlaringiz, fotosuratlaringiz va hujjatlaringiz - barchasi bitta kichik diskda jamlanadi.

Buning siri ko‘p qatlamli tuzilishda. Disk 100 ta optik qatlamdan iborat bo‘lib, ularning har biri axborotni saqlashi mumkin. Taqqoslash uchun, oddiy DVD faqat bitta qatlamga ega. Ma’lumotni yozib olish va o‘qish uchun femtosekundli lazer ishlatiladi.

Biroq yozish va o‘qish tezligi hali ham past. Shuningdek, bunday disklarni o‘qiydigan qurilma to‘liq ishlab chiqarilmagan.
Shunday bo‘lsada, kim biladi bir necha yildan so‘ng har bir insonning qo‘lida 200 terabaytlik disklar bo‘lsa ajab emas.

• Innovatsiya
• Kashfiyot