2024-yilda farmatsevtika mahsulotlarini ishlab chiqarishni 4,6 trln so‘mga yetkazish, umumiy qiymati 200 mln dollarlik mahsulotlarni eksport qilish rejalashtirilmoqda. Bu haqda Farmatsevtika tarmog‘ini rivojlantirish agentligi axborot xizmati rahbari Sevara To‘laganova ma’lum qildi.

Bundan tashqari:

- qiymati 152,5 mln dollarlik 28 ta loyihani foydalanishga topshirib, 1 478 ta yangi ish o‘rni yaratish;

- 430 ta distribyutor korxonalarda GDP, 7 700 ta yirik tarmoqli dorixonalarda GPP talablarini joriy etish;

- “Tashkent Pharma Park” farmatsevtika klasterining Texno-park qismi Ma’muriy binosida qurilish ishlarini yakunlash va foydalanishga topshirish;

- klasterning sanoat zonasidagi 65 mln dollarlik 2 ta loyihani ishga tushirish;

- “Biotexnologiyalar klasteri” loyihasini boshlash;

- klasterning 2030-yilga qadar rivojlanish strategiyasini ishlab chiqish;

- Farmatsevtika texnik universitetida 2024-2025-o‘quv yili bo‘yicha ta’lim jarayonlarini boshlash maqsad qilingan.

- Qayd etilishicha, mahalliy eksportbop mahsulotlar katalogi tayyorlanib, o‘zbek brendini xorijiy davlatlarda ilgari surish bo‘yicha “Pharm Site” onlayn tizimi ishga tushirildi.

• Farmasevtika
• Loyiha